साइप्रस न्युज

साइप्रस आइपुगे गायक दिपक लिम्बु

शेयर गर्नुहोस्

cyprus-nepal 07 dec/ Limassol

लिमासोलमा आयोजना हुने चासोक तङ्नाम २०७६ को सास्कृतिक कार्यक्रमको लागि युवा दिलका ढुकढुकी दिपक लिम्बु साइप्रस आइपुग्नु भएको छ।

लार्नाका एयरपोर्टमा गायक दिपक लिम्बुलाइ स्वागत गरिदै

याक्थुङ लिम्बुहरुको मौलिक पर्व चासोक तङ्नाम(उधौली)को अवसरमा डिसेम्बर ८ मा आयोजना हुने साँस्कृतिक कार्यक्रमको लागि गायक लिम्बु आज आइपुग्नु भएको हो। स्वदेशमै भएको अनुभुती गराउन नेपाल बाट कलाकार बोलाएर मनोरंजन संगै लिम्बुहरुको मौलिक संस्कार,भेषभुषा, संस्कार र संस्कृती बारे  प्रचार गर्ने हेतुले कार्यक्रम आयोजना हुन लागेको आयोजक ले जनाएको छ। गायक दिपक लिम्बु  प्रथम नेपाली तारा  हुन्। उहाले विभिन्न चलचित्र तथा गितहरुमा आफ्नो सुमधुर आवाज भरिसक्नु भएको छ। अर्का गायक तथा नृत्यकार सुरेन ताम्लिङलाई  केलाङ र यालाङ नृत्य नेतृत्वका लागि युके बाट विशेष निमन्त्रणा गरिएको छ। केलाङ र यालाङ भनेको लिम्बूहरुको मौलिक नाच हो जसको अर्थ भनेको के (च्याब्रुङ) लाङ (नाच) र या(धान) लाङ (नाच) हुन्छ । केलाङ  विशेषगरी चाडपर्व , सभा तथा विवाह  इत्यादि अवसरमा सुरु र अन्त गर्दा या मनोरञ्जनको लागि पनि नाच्ने गरिन्छ ।

आमन्त्रित कलाकार संगै स्थानीय कलाकारको बेजोड सांगीतिक प्रस्तुति रहने कार्यक्रमलाइ नेपाल मगर संघ साइप्रस र तमु समाज साइप्रसले प्रायोजन गरेको  छ।  रेश्मा लिम्बुको सह-सम्योजनमा कार्यक्रमलाई गोर्खाज किचन लिमासोल र नेपाली भेटघाट रेस्टुरेन्ट लिमासोलले सहयोग गर्दैछन् भने मिडिया पार्टनर साइप्रस-नेपाल डट कम रहेको छ।

चासोक तङ्नाम उभौली पर्व भब्य गरि मनाउन र कार्यक्रम सफल बनाउन साइप्रसबासी सम्पुर्ण नेपालीहरुमा उपस्थितिको लागि अध्यक्ष तेजबहादुर सिगु ले अनुरोध गर्नुभएको छ । ‘भाषा, धर्म, संस्कार, संस्कृतिको संरक्षण गरौं, लोपोन्मुख पहिचान र इतिहासको अस्तित्व जोगाऔं’ भन्ने मूल नाराका साथ सन् २०१८ मा  स्थापना भएको किरात याक्थुङ चुम्लुङ साइप्रसले गत वर्ष पनि चासोक तङ्नाम मनाएको थियो।

शेयर गर्नुहोस्

Samim Desk

समिम मियाँ, लामो समय देखि साइप्रसका विभिन्न गतिविधि बारे अपडेट गर्दै आइरहनु भएको छ।

Leave a Reply

Your email address will not be published. Required fields are marked *