साइप्रसमा ल्होसार तथा मकर सकराती मनाईयो
दिनेश गौतम
27 जनवरी /युरोप साईप्रस
बौद्ध धार्मावलम्बीहरुको २१४७औ सोनाम ल्होसारको अवसर पारेर ह्यल्मो एकता समाज साईप्रसले विबिधसास्कृतिक कार्यक्रम ल्होसार पर्ब मनाएका छन ।
साईप्रसको लिमासोल सहरमा ह्यल्मो समाजले पहिलो पटक आफनो भेषभुषा झल्कीने गरि ल्होसार मनाएका हुन ।
समाजकी अध्यक्ष दिकी ह्यल्मोको अध्यक्षता तथा अबैतनिक बाणिज्य दुत डा. राम जिवन पजिंयारको प्रमुख अतिथ्यतामा भएको कार्यक्रममा यहा रहेका सबै समुदायले नेपालको पर्यटन बर्षलाई भब्यताका साथ मनाउनका लागि एक जुट हुनु पर्नेमा जोड दिईएको थियो ।
कार्यक्रममा गैरअवसिया नेपालीसघं साईप्रसका महासचिव कृपा थापा , धातानन्द पाण्डे, कुमार सिहं लगाएतले नेपालीहरुको पहिचान नै सबै भाषाभाषीहरुको संरक्षण गर्नुरहेको भन्दै बौद्ध धर्मलाईयुरोपियन देशमा प्रचार प्रसार साथै बुद्धको ज्ञानलाई सारा संसारमा बाड्ने काम ह्यल्मो समाजले गरेको प्रति प्रसांसा समेत गरेका थिए ।
सस्थाकी प्रतिनिधि मिनमर ह्यल्मो तथा कर्चुगं ह्यल्मोको संचालनमा भएको कार्यक्रममा कार्यक्रम सफल बनाउने समाजसेबी तथा सदस्यहरुलाई सम्मान पनि गरिएको थियो ।
उता नेपाल मगर सघं साईप्रसले मगर माघे संक्रान्ती तथा सांस्कृतिक कार्यक्रम सम्पन्न गरेको छ । संघका अध्यक्ष खगेन राना मगरको अध्यक्षतामा भएको माघे संक्रान्ति तथा सस्कृतिक कार्यक्रममा युरोपका चर्चित गायक तुलसी शिवाकोटीले तुल्सी आँगनमा रोपौला, माया को बारीमा प्रितिको फुल लगाएत विभिन्न नेपाली आधुनिक तथा पप गितहरु पस्केर दर्शकहरुलाई मनोरन्जन दिलाएका थिए ।
संस्थाका महासचिव दर्शन मगरको संचालनमा भएको कार्यक्रममा गैर-आवासीय नेपाली सघं, साइप्रसका पुर्व अध्यक्ष तथा समाजसेबी सुबास मल्ल , एन.आर.एन.ए साईप्रसकी अध्यक्ष दिल कुमारी मगर , महिला प्रतिनिधि सरिता चौधरी , पत्रकार समिम मिया , जनसम्पर्क समितिकी सह महामन्त्री लक्ष्मी पौडेल लगायत् विभिन्न संघसंस्थाका प्रतिनिधिले सहभागीता जनाएका थिए ।
